OBRADOIRO DE MANIPULACIÓN

O último que fixemos foi crear un obradoiro de manipulación: nel podemos xogar con obxectos da vida diaria que nos axudan a favorecer a nosa motricidade fina (enchufes, pechaduras, cañerías nas que meter pelotas de distintos tamaños, esponxas, lixas, fieltros para tocar diferentes texturas...). 

Teremos que turnarnos porque todos xuntos non cabemos xa que hai moitas cousas que facer e o espacio non é moi grande. Está recén montado e todos queremos xogar nel.

ENTROIDO

E chegou o Entroido. E fomos disfrazados de libros seguindo a temática do proxecto da biblioteca.

Nós démoslle unha volta e fomos de Carapuchiño Vermello, Ratiño Presumido, Belo Durminte, Cocorica, Gata Lambona, Tres Porquiñas, Soldadiña de Chumbo, Loba e sete cabritas, Piterpana e a profe de Monstrua das Cores. Faltaba Pinocha, que estaba maliña, pero gardámoslle o traxe!!

SEMENTEIRO

Fixemos un sementeiros nos que puxemos tomates cherry,  cherry golden, rúcula, leituga vermella e branca... Os nosos alcouves están empezando a brotar, pero non sabemos se irán arriba.

GRAFOMOTRICIDADE

Estamos coñecendo as letras. Para aprender a escribir os nosos nomes e tódalas cousas que hai ao noso redor.

MATEMÁTICA

Traballamos moito a matemática. Con moitos materiais. Todo serve para contar, engadir, quitar... As regletas son un material excelente para traballar as matemáticas e ademais son entretidas.

PSICOMOTRICIDADE

Tódalas mañás comezamos con psicomotricidade. Movémos moito o corpo, recoñecemos o espacio, xogamos uns cos outros e pasámolo moi ben.

NADAL

Canto tempo sen publicar nada!!! E eso que temos unha chea de fotos do moito que traballamos. Imos empezar polo Nadal:

A familia de Sabela invitounos a visitar o seu Belén. É moi grande e está moi ben feito. Pasámolo moi ben véndoo e tamén comendo as cousas tan ricas que nos tiñan preparadas!!!

Tamén disfrutamos moito preparando a árbore de Nadal. Quedounos precioso!😍

Ensaiamos moito o noso poema teatralizado para o festival de Nadal. Como este ano o proxecto é sobre a Biblioteca nós fixemos unha historia sobre tres porquiñas. Que ben actuamos!

E logo fomos á Adega Martín Códax ao festival.