ESTREAMOS A NOSA OBRA DE TEATRO: A RATIÑA PRESUMIDA

Con gran éxito de público, totalmente entregado ao noso saber facer, estreamos o xoves 24 de novembro a obra de teatro: A ratiña presumida, baseada no conto do mesmo nome.

Estabamos nerviosos, pero fixémolo marabillosamente. Aplaudíronnos moito ao rematar. Mereciámolo porque traballaramos moitísimo: fixemos os decorados, os traxes, seleccionamos música e aprendemos toda a obra. Somos uns artistas!!!

Botamos moito de menos a Mauro, que está maliño e non puido vir. Pero témoslle gardado o seu traxe de pitiño:

 Foto da compañía de teatro A Modia. Actrices e actores marabillosos!!

OLGA GONZÁLEZ VILAS veu ensinarnos cousas do teatro:

O pasado martes, 8 de novembro, veu Olga González Vilas, a directora do grupo de teatro aficcionado Caracol,  a falarnos e ensinarnos cousas do teatro ai CEIP Enrique Barreiro de Vilariño. Alí estivemos tódolos infantís de Covas, Sineiro e A Modia (40 nenos e nenas metendo barullo!).

Con ela viñan dous compañeiros e foi XENIAL!!. Inventaron unha obra na que tiña que haber animais salvaxes, leóns, xirafas, elefantes, monos, ras... pero tamén tiña que haber vento, chuvia e tronos. Todos participamos facendo algunha destas personaxes ou elementos da obra e foi moi divertido.

Moitas grazas Olga!. Sabemos que os maiores tamén estiveron con vós e tamén o pasaron fantásticamente, pero nós somos grandes actores e actrices e dentro de pouco estrearemos a obra que estamos preparando. Seguiremos os teus consellos!

VEU YESI A VISITARNOS:

O pasado venres 4 de novembro veu Yesi ao CEIP Enrique Barreiro para visitarnos e recoller os tapóns que tiñamos gardados para ela. 

Hai que seguir recollendo moitos máis!!! 

Podedes ver toda a información da visita no blog do cole: http://www.edu.xunta.gal/centros/ceipenriquebarreiro/

SAMAÍN

O venres 28 de outubro celebramos o Samaín na escola. Xa tiñamos a aula moi adornada. Quedou chulísima!!

O día do Samaín viñemos todos disfrazados. Baleiramos unha cabaza e fixémoslle unha cara, anque non daba moito medo, tamén trouxemos outras xa da casa que eran preciosas. Trouxemos doces moi saborosos e algún ademais de rico era ¡terrorífico!

O MARTES 25 DE NOVEMBRO VEU MARTINA

O pasado martes 25 de novembro tivemos a visita de Martina, que é óptica optometrista. Contounos unha chea de cousas interesantes sobre a vista, como coidar mellor os ollos, canto tempo debemos estar diante da tele ou do ordenador (non máis de 20 minutos seguidos). Díxonos que é moi importante que saimos fóra a xogar no exterior.

Amosounos como é un ollo e as súas partes principais, deixounos tocar lentes de diferentes aumentos (para saber como ve a xente que ten problemas de visión), tocamos lentillas, miramos como son os parches dos nenos que teñen ambliopía (ven ben por un ollo e polo outro non, por iso este deixa de traballar e chámase "ollo vago" e entón hai que tapar o que ve para que o outro non perda visión). 

Tamén probamos gafas distintas e facíanos moita gracia :) :)

O MARTES 25 DE NOVEMBRO VEU MARTINA

O pasado martes 25 de novembro tivemos a visita de Martina, que é óptica optometrista. Contounos unha chea de cousas interesantes sobre a vista, como coidar mellor os ollos, canto tempo debemos estar diante da tele ou do ordenador (non máis de 20 minutos seguidos). Díxonos que é moi importante que saimos fóra a xogar no exterior.

Amosounos como é un ollo e as súas partes principais, deixounos tocar lentes de diferentes aumentos (para saber como ve a xente que ten problemas de visión), tocamos lentillas, miramos como son os parches dos nenos que teñen ambliopía (ven ben por un ollo e polo outro non, por iso este deixa de traballar e chámase "ollo vago" e entón hai que tapar o que ve para que o outro non perda visión). 

Tamén probamos gafas distintas e facíanos moita gracia :) :)