Dominó de tacto e colores:

Outro xoguete que nos prestaron foi un dominó de tacto e de colores. Fixemos camiños para que o noso ananiño puidera camiñar por el sen caer. Primeiro fixérono os de 4º e logo os de 5º e 6º xuntos.

O CARACOL SERAFÍN:

A ONCE tamén nos prestou o conto dun caracol chamado Serafín. É un caracol moi especial porque ten a cuncha de papel. 

Pero como Serafín é moi valente sae de viaxe polo xardín coa súa cuncha de papel, tendo coidado de non estragala. Vive moitas aventuras e gústanos moito. Tanto que fixemos a Serafín con plastilina.

Tamén vimos o conto en Internet. Xa coñecemos a todas as personaxes e as aventuras de Serafín!

SAÍDA CON YESSI:

O domingo, 2 de outubro, fomos dar un paseo por Cambados con Yesi, unha rapaza que ten unha enfermidade rara e que agora está nunha cadeira de rodas. Xuntamos tapóns para ela, porque necesita que sigan investigando a súa doenza. Fomos as escolas de Covas de Lobos e  A Modia, acompañados polas profes María, Chuli e Alberto.

Yessi amosounos, no pequeno paseo que demos, as dificultades que se atopa unha persoa nunha cadeira de rodas para moverse por Cambados: hai moitos sitios polos que non se pode baixar, as rampas están moitas estropeadas, hai sitios nos que non pode entrar porque non teñen un acceso axeitado...

Poñemos o enlace para que coñezades mellor a Yessi: http://www.elmundoconyesi.es/

E seguimos xogando:

Máis xogos cos bastóns:

Xogamos cos bastóns dos cegos e os ollos vendados. Que difícil é!!

Estamos investigando cousas sobre a vista. Dende a ONCE prestáronnos materiais moi interesantes e estamos aprendendo cómo fan os cegos para moverse, para ler e escribir... Claro! A nós cóstanos moito traballo, pero pasámolo moi ben!