NADAL

Festexamos o Nadal

O 21 de decembro fomos á Adega Martín Códax para celebrar con todo o colexio de Vilariño o festival de Nadal. 

Uns días antes preparáramos o cartel anunciador, para que todos souberan que iamos facer o noso festival e viñeran vernos.

Dounos moito traballo preparalo porque tivemos que escribir no ordenador, imprimir, recortar, pegar... Pero pasámolo estupendamente!!

Quedounos moi chulo 👌

O día do festival amosamos a nosa obra de teatro, que nos levou moito tempo preparar, xa que ademais de ensaiar, facer os disfraces, preparar o decorado, organizar o espacio e representar a obra diante das familias, tamén tivemos que doblar as nosas voces para que se puidera escoitar a gravación na adega. Somos uns artistas e uns actorazos! ☺☺

Despois do festival volvemos ao colexio de Vilariño e alí comemos a rosca que nos trouxera o Apalpador. Comemos e bailamos coas nenas de Covas de Lobos, ás que lles axudamos a cantar no festival a súa canción.

VISITOUNOS DIEGO CORDEIRO

SABOREAMOS FROITAS CON DIEGO CORDEIRO

O venres, 16 de decembro, veu visitarnos ao cole de Vilariño o cociñeiro do Parador Diego Cordeiro, recén chegado de Guadalaxara onde gañara un concurso internacional de tapas. Alí estivemos as aulas de Covas de Lobos e da Modia.

Diego amosounos unha chea de froitas coas que fixo batidos, zumes, brochetas...

Diego trouxo moitas froitas, algunhas coñecidas e outras que non viramos nunca. Ulímolas, tocámolas, vímolas e... saboreámolas.

Probamos todo o que nos puxo diante. QUE SABOROSO!!!

Diego tamén nos ensinou como se traballa tendo todo ben limpiño e ordenado. Estivemos moi atentos. E agardamos a que nos servira sen meter rebumbio.

E Daniela fixo de pinche de cociña!!

TOMAS FALSAS

Os ensaios foron moi divertidos, porque anque sabiamos moi ben a obra, non sempre saían ben (trabucabámonos, nós ou a profe), caían os decorados, falabamos moi baixo...

Esto é o que poderiamos chamar: tomas falsas.

PREPARACIÓN DA OBRA

Somos grandes artistas e a obra de teatro saíunos moi ben, pero levounos moooito traballo: tivemos que facer os traxes, o que nós podiamos (a profe coseu á máquina por primeira vez na súa vida!!), fixemos os decorados...

Tamén tivemos que preparar o cartel anunciador, e arreglar a aula para poder representar a obra e acoller ás familias. Uf, non paramos!

O BLOG DE COVAS

Este é o enlace do blog da aula de Covas: 

http://osnenoseasnenasdecovas.blogspot.com.es/

Tamén fan cousas moi interesantes. Botádelle un ollo!!

VIÑERON VISITARNOS AS NENAS DE COVAS

O pasado día 1 de decembro pasamos un día de convivencia coas nenas de Covas. 

Pasamos unha mañá moi divertida na que fixemos unha chea de cousas:

ASEMBLEA:

Compartimos os nosos xoguetes, amosámoslles como facemos nós a asemblea,  ensinámoslles as nosas cancións 

E, naturalmente, tamén cantamos a canción "La casa" en italiano (que aquí falamos moitos idiomas):

Despois representamos para as nenas e as profes o conto da Ratiña Presumida. Saíunos moi ben!.

A continuación, como nas dúas aulas estamos a traballar o sentido do gusto, elaboramos zumes, batidos e bocadillos. 

Os zumes fixémolos nós e logo as profes fixeron batidos de mango e laranxa, cenoria e laranxa e tamén de plátano, laranxa, pera e galleta (axudamos a facer zume e cortar os plátanos e as peras con coitelos de plástico e sen cortarnos). Comémolo todo. Que ricos estaban!

Co pan que nos trouxeron da panadería, quentiño e saboroso, fixemos bocadillos doces e salgados. Non deixamos nin as migas!! Temos que dárllelas gracias aos papás de Candela porque nos regalaron o pan. Moitísimas gracias!!

E como remate, saímos ao recreo e pasámolo estupendamente!!